Ұлттық сараптама орталығының 10 жылдығына арналған салтанатты іс-шара өтті

25.12.2025

Бүгін Ұлттық сараптама орталығында кәсіпорынның құрылғанына 10 жыл толуына орай салтанатты жиын өтті. Мерекелік іс-шараға құрметті қонақтар, санитариялық-эпидемиологиялық қызметтің ардагерлері, Денсаулық сақтау министрлігі мен Санитариялық-эпидемиологиялық бақылау комитетінің өкілдері қатысты.

Құттықтау сөзбен Қазақстан Республикасының Бас мемлекеттік санитариялық дәрігері Сархат Бейсенова сөз сөйледі. Ол Ұлттық сараптама орталығының халықтың санитариялық-эпидемиологиялық қауіпсіздігін қамтамасыз етудегі үлесін жоғары бағалап, ұжымның кәсібилігін және ҰСО-ның денсаулық сақтау жүйесіндегі маңызды рөлін атап өтті. Сондай-ақ орталық қызметкерлеріне алдағы уақытта табыс, тұрақтылық және жаңа жетістіктер тіледі.

Ұлттық сараптама орталығы Басқарма төрағасы Ерлан Қиясов та ұжымды мерейтоймен құттықтап, ұрпақтар сабақтастығын және орталық мамандарының 10 жылдық қызметі барысында қосқан үлесін ерекше атап өтті.

«Бүгінде Ұлттық сараптама орталығы – мемлекет жүктеген міндеттерді жүйелі әрі тиімді орындайтын, заманауи әрі қарқынды дамып келе жатқан ұйым», – деді Ерлан Қиясов.

Айта кету керек, орталық ұжымы ортақ құндылықтармен біріккен, кез келген деңгейдегі міндеттерді шешуге қабілетті 6 000-нан астам жоғары білікті маманды қамтиды. Өткен он жыл ішінде ауқымды, маңызды және шын мәнінде әсерлі жұмыс атқарылды.

Бүгінде Ұлттық сараптама орталығы 10 жыл ішінде зертханалық сараптама мен талдау саласында жетекші ұйым ретінде қалыптасып, жоғары сапалы диагностика мен елдің санитариялық-эпидемиологиялық қауіпсіздігін қамтамасыз етіп отырғанын сеніммен айтуға болады. Алғашқы қадамдардан бастап тұрақты дамып келе жатқан, халықтың, клиенттердің сеніміне ие болып, серіктестердің құрметіне бөленген мекемеге дейінгі жолдан өтті.

Салтанатты іс-шара «ҰСО-ға 10 жыл» мерейтойлық медальдарын табыстау рәсімімен және он жылдық жетістіктерге арналған фильмнің көрсетілімімен жалғасты.

Қол жеткізілген барлық жетістіктер білімін, жауапкершілігін, тәжірибесін және жан-тәнін жұмысына арнаған, уақыт талаптарына лайықты жауап беріп келе жатқан біртұтас, ынтымақтас ұжымның арқасында мүмкін болды.

Іс-шара барысында қонақтар Ұлттық сараптама орталығының атына ең жылы лебіздері мен ізгі тілектерін білдірді. Барша ұжымға зор денсаулық, амандық, кәсіби өсу мен шабыт, ал Ұлттық сараптама орталығына алдағы уақытта гүлдену, тұрақтылық, батыл бастамалар мен жаңа жетістіктер тіленді.

Сурет галереясы